"Валенсия" ўз сафига "Ювентус" дарвозабонини қўшиб олмоқчи
Туриннинг “Ювентус” клуби дарвозабони Нето “Валенсия”нинг қизқишлар доирасига кириб қолди. Goal нашрининг хабар беришича “кўршапалаклар” 27 ёшли бразилиялик дарвозабон учун “кекса синьора”га 6 млн евро таклиф қилишган.
Маълумотларга кўра Нетонинг ўзи ҳам “Ювентус”даги ҳолатидан норози ва ёзги трансферлар даврида жамоасини ўзгартиришни режалаштирган. У барқарор ўйин амалиётига эга бўлишни хоҳламоқда.
Эслатиб ўтамиз, Нетога “Валенсия”дан ташқари “Наполи” ва “Милан” клублари ҳам жиддий қизиқиш билдирмоқда. Унинг “Ювентус” билан амалдаги шартномаси эса 2019 йилга қадар имзоланган.
Фикрлар