"Валенсия"га ижарага берилган футболчи МЮга қайтиб бормоқчи эмас

Айни дамда ижара асосида Испаниянинг  “Валенсия” клуби сафида тўп сураётган Андреас Перейра мавсум ўртасида жамоани тарк этмоқчи эмас.

Трансфер ҳуқуқи Англиянинг “Манчестер Юнайтед” клубига тегишли бўлган Перейра ёзги трансферлар ойнасининг сўнгги кунида ижарага берилган эди. Шартнома шартларига кўра эса, Перейра январда “қизил иблислар” сафига қайтиши лозим. Бироқ футболчининг ўзи буни  истаётгани йўқ.

“Мен мавсум сўнггига қадар “Валенсия”да қолишни ва бу жамоага ёрдам беришни истайман. Мен бу ерга келаётганимда ўзимга айнан шундай мақсад қўйган эдим.

Шартномада қайтишим борасида банд мавжуд, буни биламан. Бироқ кутиш лозим, мен ҳозир “Валенсия”да қолмоқчиман”, – деб унинг сўзларини келтириб ўтди Super Deportes.

Фикрлар

Фикр қолдириш учун авторизациядан ўтинг!