Вальверде: "Барселона"ни "Эл-класико"да фаворит дейиш нотўғри, лекин...

Каталониянинг “Барселона” клуби бош мураббийи Эрнесто Вальверденинг сўзларига кўра эртанги “Эл-класико”да унинг жамоасини фаворит дейиш нотўғри, аммо, каталонияликлар Мадридга фақат ғалаба учун боришади.

“Бу жуда муҳим баҳс. Албатта, бизга қийин бўлади, лекин биз фақат ғалаба учун борамиз. Ўз ўйинимизни кўрсатишимиз ва айни дамда “Барселона” ҳақиқатдан ҳам кучли эканлигини исботлашимиз шарт.

Эртанги баҳсда бизни фаворит дейиш нотўғри. Чунки, мусобақа жадвалидаги вазият ушбу учрашувда ҳеч қандай аҳамият касб этмайди”, - дейди Вальверде клуб матбуот хизматига берган интервьюсида.

Эслатиб ўтамиз, “Реал” ҳамда “Барселона” жамоалари ўртасидаги ўйин эртага Тошкент вақти билан соат 17:00да бошланади.