Вальверде: "Реал" хатто 14 очкога ортда қолиб кетса ҳам таслим бўлмайди

“Барселона” клуби бош мураббийи Эрнесто Вальверденинг фикрича “Реал” хатто 14 очкога ортда қолган тақдирида ҳам чемпионлик учун курашади.

“Клублар ўртасидаги жаҳон чемпионати сабаб “Реал” ўз ўйинини бироз кечроқ ўтказади. Агар “Барселона” бу тур “Депортиво”ни мағлубиятга учратган тақдирда ҳам “Реал” чемпионлик пойгасидан чиқиб кетмайди. Менинг назаримда “қироллик клуби” хатто 14очкога ортда қолиб кетган тақдирда ҳам чемпионлик учун курашда давом этаверади”, - дейди Вальверде.

Эслатиб ўтамиз, “Барселона” ҳамда “Депортиво” жамоалари ўртасидаги баҳс бугун Тошкент вақти билан соат 00:45да “Камп Ноу” стадионида бошланади.