Ван Галь: Мен фаолиятимни тугатганим йўқ

Бир неча кун олдин бир қатор ОАВлар голландиялик машхур мутахассис Луи ван Галнинг оилавий муаммолар сабаб мураббийлик фаолиятини якунламоқчи экани ҳақида хабарлар тарқатган эди. Кейинроқ ван Галь бу борадаги гап-сўзларга аниқлик киритиб ўтди.

“Йўқ, мен фаолиятимни якунламадим. Мен шунчаки орада бироз таннафус филмоқчиман. Яна бир йилдан сўнг ҳаммаси изга тушиб кетади. Фаолиятимни якунлаш фикри ҳам йўқ эмасди, аммо, мен ҳали якуний қарорга келмадим.

Агар истасам, кўплаб таклифларга эгаман. Июль ойида сўнгги қароримни айтаман. Фаолиятимни “Валенсия”да давом эттиришим ҳам мумкин эди, бироқ, бу таклифни рад этдим. Кўп нарса вақт ўтиши билан ўзимни қандай ҳис қилишимга боғлиқ”, - дейди голландиялик мураббий Cadena Ser нашрига берган интервьюсида.

Эслатиб ўтамиз, ван Галнинг сўнгги иш жойи Англиянинг "Манчестер Юнайтед" клуби бўлган эди.