Венгер "Арсенал"ни чемпион қилмоқчи

Лондоннинг “Арсенал” клуби бош мураббийи Арсен Венгер жамоаси АПЛда ғолиб чиқиш имкониятига эга эканлиги ҳақида айтиб ўтди.

“Биз чемпионлик учун даъвогарлик қила оламизми? Ҳа. Нега энди йўқ бўлиши керак? Биз эндигина 3та ўйин ўтказдик, қолаверса уларнинг 2таси меҳмонда эди.

Ҳа, биз “Ливерпул”га имкониятни бой бериб қўйдик, лекин бу хатоимизни тезда тўғрилаймиз. Ўша ғолиблик учун даъвогар саналаётган баъзи жамоаларнинг ҳолати бизникидан ёмонроқ.

Биз етарлича кучга эгамиз деб ўйлайман. Ўтган мавсум 75 очко тўпладик ва Англия кубогини қўлга киритдик. Шундай экан биз бу мавсум янада яхшироқ ўйнашимиз кераклигини биламиз”, - дейди франциялик мутахассис Goal интернет-нашрига берган интервьюсида.

Эслатиб ўтамиз, “канонирлар” сўнгги бор 2004 йил премьер-лигада ғолиб чиқишган эди.