Венгер Виейранинг "Арсенал"га келиши ҳақида нималар деди?

Лондоннинг "Арсенал" клуби устози Арсен Венгер жамоанинг собиқ аъзоси Патрик Виейранинг “канонирлар” бошқарувига келиши мумкинлиги ҳақидаги хабарларга ўз муносабатини билдириб ўтди.

“Виейра “Арсенал”ни бошқариш учун етарли малакага эга. Мен унинг мураббийлик фаолиятини кузатиб бораман. У яхши иш олиб боряпти деб ўйлайман. Лекин премьер-лига бу умуман бошқа турнир. Ушбу чемпионатда ўйнаган ва бу ерда ишлашга малакаси етадиган, юқори билимга эга собиқ футболчилар жуда кўп. Танлов етарлича. Шундай экан бу борада шошилманг”, - дейди франциялик мутахассис.

Маълумот учун, Виейра 1996-2005 йилларда “Арсенал” шарафини ҳимоя қилган. У айни дамда АҚШнинг "Нью-Йорк Сити" клубига устозлик қилмоқда.

Фикрлар

Фикр қолдириш учун авторизациядан ўтинг!