Венгер Япония ёки Хитой термасини бошқариши мумкин

Мавсум сўнггида “Арсенал”ни тарк этишини эълон қилган Арсен Венгерга 4 та жойдан янги чақирув бўлмоқда. Бу ҳақда Тelefoot хабар бермоқда.

Хитой раҳбарияти мамлакат футболи ривожида 68 ёшли мутахассисга ишонч билдиришга тайёр. Шунингдек, франсиялик мураббий Японияга қайтиб, мамлакат бош жамоасини бошқариши мумкин.

У 1995-1996 йилларда “Нагоя Грампус”га устозлик қилган эди.

Шунингдек, Венгер “Боруссия Дортмунд”ни ўз қўлига олиши мумкин эканлиги айтилмоқда. Арсен немис тилида ҳам бемалол мулоқот қила олади.

Бундан ташқари, Венгер ПСЖ структурасида ҳам иш бошлаши мумкинлиги айтилмоқда.