Вератти барибир "Барселона"да ўйнамоқчи

Франциянинг ПСЖ клуби хавбеки Марко Вератти ўзининг “Барселона”га ўтиш фикридан қайтмаяпти. Таъкидлаш керакки, 24 ёшли италиялик футболчи Месси, Неймар ва Суарес каби футболчилар билан бир жамоада ўйнашни истамоқда.

Mundo Deportivo нашрининг маълум қилишича Вератти айни дамда каталонияликлар томонидан бўладиган жиддий ва аниқ таклифни кутмоқда.

Эслатиб ўтамиз, бундан аввалроқ ПСЖ Вераттини сотиш ниятида эмаслиги ҳақида хабарлар тарқалган эди.

Маълумот учун, Марко жорий мавсум Франция чемпионатида жами 28та учрашувда майдонга тушди ва ўз ҳисобига 3та гол ҳамда 5та голли узатма ёздириб қўйишга эришди.

Фикрлар

Фикр қолдириш учун авторизациядан ўтинг!