"Вердер" Писарро билан шартномани узайтирмаслигини эълон қилди

Бременнинг “Вердер” клуби спорт директори Франк Бауманн жамоанинг перулик ҳужумчиси Клаудио Писарро билан амалдаги шартнома узайтирилмаслигини эълон қилди. У бу ҳақда клуб расмий сайтига берган интервьюсида таъкидлаб ўтди.

Шундай қилиб 38 ёшли футболчи 2017/18 йилги мавсумни бошқа жамоа сафида бошлайдиган бўлди.

Маълумот учун, Писарро фаолияти давомида 3 марта ( 1999 – 2001, 2008 – 2012, 2015 – 2017) ушбу жамоа сафида тўп сурган. У 2009 йилда “Вердер” билан Германия кубогини қўлга киритган. Футболчи бременликлар таркибида жами 271та учрашувда иштирок этиб, рақиблари дарвозасига 144та гол киритишга мувоффақ бўлган.