“Вест Хэм” футболчилари Пайетдан юз ўгирмоқда

“Вест Хэм”да можаро келтириб чиқарган франциялик легионер Димитри Пайетнинг қилмиши унинг жамоадошларига ҳам ёқмади. Пайет билан дўстона алоқада бўлган жамоа сардори Марк Ноубл маҳоратли ярим ҳимоячининг нега бундай қилганидан ҳайратга тушганини маълум қилди.

- Димитри Пайет мен бирга ўйнаган футболчилар ичида энг зўрларидан бири, - дейди Марк Ноубл. – Биз дўстона муносабатдалигимизга қарамай охирги 2-3 ҳафтадан бери гаплашмаяпмиз. Агар одам бир жамоада ўйнагиси келмаса, умуман майдонга тушмаслиги керак. У нега бундай қилаётганини англаганим йўқ.

Димитри Пайет ўтган йили жамоа билан шартнома узайтирган ва энг кўп маош оладиган футболчига айланганига қарамай, кейинги пайтда “Вест Хэм”да ўйнамаслигини таъкидламоқда. Жамоа ҳам ундан воз кечди ва бошқа чемпионатга трансфер қилмоқчи.

SPORTS.uz

Фикрлар

Фикр қолдириш учун авторизациядан ўтинг!