“Вильярреал” – “Реал”. Роналду бугун ўйнай олади

Бугун Испания Ла лигасида сўнгги тур ўйинлари старт олади. Мадриднинг “Реал” клуби бу тур “Вильярреал” билан баҳс олиб боради.

Мадридликлар устози Зинедин Зидан ушбу ўйинда иштирок этиши мумкин бўлган футболчилар номини маълум қилди. Эътиборлиси, “Барселона” билан кечган ўйинда жароҳат олган Криштиану Роналду бугунги ўйин қайдномасидан жой олган.

“Реал”нинг “Вильярреал”га қарши ўйин учун қайдномаси

Дарвозабонлар: Кико Касилья, Лука Зидан;

Ҳимоячилар: Дани Карвахаль, Серхио Рамос, Рафаэль Варан, Начо, Марсело, Тео Эрнандес;

Ярим ҳимоячилар: Тони Кроос, Лука Модрич, Каземиро, Марко Асенсио, Иско, Матео Ковачич;

Ҳужумчилар: Криштиану Роналду, Карим Бензема, Гарет Бэйл, Лукас Васкес.

Эслатиб ўтамиз, “Вильярреал” – “Реал” ўйини бугун Тошкент вақти билан соат 23.45 да старт олади.