Виталий Денисов “Фенербахче”га ўтиши мумкин

Москванинг “Локомотив” клуби ва Ўзбекистон миллий терма жамоаси ҳимоячиси Виталий Денисов фаолиятини Туркияда давом эттириши мумкин.

Денисовга Туркиянинг “Фенербахче” клуби қизиқиш билдирмоқда. Бу  ҳақда “Milliyet” хабар бермоқда.

Истанбул клуби ҳамюртимиз учун қишда “темирйўлчилар”га 3 млн евро беришга тайёр эканлиги айтилмоқда. Маълумот учун, Денисовнинг “Локомотив” билан амалдаги шартномаси 2018 йилнинг ёзида ўз ниҳоясига етади.