Виталий Денисов “Локомотив” сафида Россия Кубоги соҳиби бўлди

Россия Кубоги финалида Москванинг “Локомотив” жамоаси “Урал” футболчиларига қарши майдонга тушди.

Анагина муросасиз ва курашлар остида ўтган ўйинда “темирйўлчилар” 2:0 ҳисобида зафар қучиб, бош совринга эга бўлди. Ўзбекистон терма жамоаси ҳимоячиси Виталий Денисов учрашувни тўлиқ ўтказиб, “Локомотив”нинг муваффақиятига ўз ҳиссасини қўшди.

Мазкур соврин “Локомотив”га Европа Лигасида иштирок этиш ҳуқуқини беради. Айни вақтда “темирйўлчилар” мамлакат чемпионати якунланишига 4 тур қолганида 35 очко билан 8-поғонада бормоқда.

Россия Кубоги
Финал
3 май, сешанба

“Урал” – “Локомотив” 0:2 (0:0, 0:2)

Голлар: 0:1 – 76 И.Денисов, 0:2 – 90 Миранчук.

“Урал”: Заболотный, Новиков, Табидзе, Балажиц, Данцев, Емельянов (Манучарян, 80), Бикфалви, Димитров (Глушков, 89), Лунгу, Ильин, Павлюченко (Фидлер, 46).

“Локомотив”: Гилерме, Игнатьев, Кверквелия, Пейчинович, Виталий Денисов, Тарасов, И.Денисов, Фернандеш, Майкон (Фарфан, 85), Ал.Миранчук, Ари.

Огоҳлантиришлар: Лунгу (49), Балажиц (65), Ильин (69)

Четлатишлар: Манучарян (90), Фидлер (90) – Ари (90), Фарфан (90).