Виталий Денисов феврал ойидан буён илк марта майдонга тушди

Бугун Россия Премьер-лигасида 27-тур ўйинлари  давом эттирилди. Ҳамюртимиз Виталий Денисов фаолият олиб борадиган “Локомотив” клуби ўз майдонида “Уфа”ни қабул қилди.

Москвадаги РЖД-Аренада стадионида кечган қарама-қаршиликда мухлислар гол гувоҳи бўлишмади. Денисов 88-дақиқада заҳирадан майдонга туширилди. Қайд этиш жоиз, у сўнгги бор 15 феврал санасида майдонга тушган эди.

Шундан сўнг ўтказилган кетма-кет 9 беллашувнинг бирортасида Денисов майдонда кўриниш бермаган эди.

Бугунги натижадан сўнг “темирйўлчилар” жамғарган очколар сони 57 тага етди ва жамоа турнир жадвалида ҳамон пешқадамликни давом эттирмоқда.

Россия Премьер-лигаси. 27-тур

Локомотив – Уфа 0:0 (0:0, 0:0)

Локомотив – Гильерме, Игнатьев, Чорлука (Денисов, 89), Пейчинович, Рыбус, Денисов, Тарасов (Коломейцев, 46), Миранчук (Эдер, 58), Миранчук, Фернандеш, Фарфан.

Уфа – Беленов, Неделчару, Никитин, Аликин, Сухов (Тумасян, 90), Карп, Салатич, Йокич, Стоцкий (Обляков, 84), Сысуев (Кротов, 82), Игбоун.

Огоҳлантиришлар: Неделчару (21), Игбоун (35), Карп (43), Чорлука (52), Гильерме (77), Беленов (90).

Фикрлар

Фикр қолдириш учун авторизациядан ўтинг!