Виталий Денисовнинг жамоаси бу мавсум ўз олдига қандай вазифаларни қўйган?

Ҳамюритимиз Виталий Денисов фаолият олиб борадиган Москванинг "Локомотив" клуб президенти Илья Геркус янги мавсумда жамоа олдига қандай вазифалар қўйилганлигини маълум қилди.

"Раҳбарият, мураббийлар ва футболчилар битта мақсад йўлида - ҳар уччала фронтда максимал даражада иштирок этиш учун бирлашишган.

Биз Европа Лигасининг баҳорги босқичига ўтишни, Россия кубогини муносиб ҳимоя қилишни ва баҳорда турнир жадвалининг юқорисида жойлашишни мақсад қилганмиз", - деб унинг сўзларини келтириб ўтди клуб расмий сайти.