"Водий дербилари" чемпиони қайси жамоа?

27 ноябрь, 2016, 10:11
0
Футбол

Водийда футболни нақадар яхши кўришларни деярли барча яхши билади. Олий лигада Водийнинг 4 та жамоаси ҳаракат қилди. Биз водий клубларининг ўзаро ўйинларида қайси жамоаа энг кўп очко тўплагани ҳақида тўхталиб ўтмоқчимиз.

4. "Нефтчи". 2 ғалаба, 4 мағлубият. Тўплар нисбати 7-9
"Водий дербилари"да энг кам очко тўплаган жамоа "Нефтчи" бўлди. Фарғоналиклар "Андижон" билан кечган ҳар иккала беллашувда ҳам 1:2 ҳисобида ютқазишган бўлишса, "Навбаҳор"ни уйда 1:0 ҳисобида мағлуб этиб, сафарда 1:2 ҳисобида ютқазди. "Қўқон-1912" билан кечган Фарғона дербиларида ҳар икки ўйинда ҳам мезбон жамоа 2:1 ҳисобида устун келган. Эътиборли жиҳати "Нефтчи" водий клубларига фақат 1:2 ҳисобида имкониятни бой берган.

3. "Андижон". 3 ғалаба, 3 мағлубият. Тўплар нисбати 5:7
"Андижон" "Нефтчи"ни икки ўйинда ҳам 2:1 ҳисобида таслим этди. "Навбаҳор"ни эса уйида 1:0 ҳисобида ютиб, меҳмонда 0:2 ҳисобида ютқазиб қўйди. "Қўқон-1912" билан ҳар икки учрашувда ҳам жамоа очкосиз қолиб кетди - 0:2 ва 0:1.

2. "Қўқон-1912". 3 ғалаба, 1 дуранг, 2 мағлубият. Тўплар нисбати 8:9
Қўқонликлар "Андижон"ни икки учрашувда ҳам мағлубият кўчаси сари етаклашган бўлса, "Нефтчи" билан ўйинларда мезбондаги жамоалар устун келишган. "Навбаҳор" билан Қўқонда дуранг ўйнаб, Наманганда йирик 1:5 ҳисобида таслим бўлган "Қўқон-1912" Водий жамоаларидан 10 очко олган.

1. "Навбаҳор". 3 ғалаба, 1 дуранг, 2 мағлубият. Тўплар нисбати 10:5
Водий жамоаларининг ўзаро тўқнашувларида энг яхши натижани "Навбаҳор" қайд этди. "Андижон", "Қўқон-1912" ва "Нефтчи" Намангандан қуруқ қайтишган. Ўз ўрнида "лочинлар" сафардаа фақатгина Қўқонликлардан очко ола билишган. Юқоридаги учта клубнинг ҳам тўплар нисбати "-"да ўлса, "Навбаҳор"да бу кўрсаткич +5 ни ташкил этган.

Афсуски Водийнинг 4 та жамоасидан ҳеч бири турнир жадвалида "кучли ўнликка" ҳам кира олишмади. "Нефтчи" - 11, "Қўқон-1912" - 12 ўринни эгаллаган бўлса, "Навбаҳор" 15-поғонани банд этиб, ўтиш ўйинида майдонга тушадиган бўлди. "Андижон" жамоаси эса Олий лига билан хайрлашди ва келаси мавсумда Биринчи лигада ҳаракат қилади.

Фурқат Юсупов тайёрлади