WSB: Абдулҳай Шораҳматов vs Илёс Сулейменов

1 апрель, 09:35 670

WSB: Абдулҳай Шораҳматов vs Илёс Сулейменов

 

"Uzbek Tigers" - "Astana Arlans Kazakhstan" беллашувида 56 килограмм вазн тоифасида рингга чиқадиган ҳар икки боксчи ўз истеъдоди билан мухлису мутахассислар эътиборига тушган.

Абдулҳай Шораҳматов ҳали қитъа ва жаҳон чемпионатларида юксак натижани қайд этмаган бўлса-да, WSB турнирида енгилмас боксчилардан ҳисобланади. Ўтган йилдан буён ушбу мусобақада қатнашаётган Абдулҳай жами бешта учрашувда рингга чиқиб, барчасида зафар қучди.

Ўтган мавсумда 20 ёшли боксчимиз "Astana Arlans" вакили Майирболат Тоитов устидан зафар қучган эди.

Унинг бўлажак рақиби Илёс Сулейменов халқаро майдонда "пишган" боксчилардан. Илёс ўз фаолияти давомида ҳарбийлар ўртасидаги жаҳон чемпионатида ва катталар ўртасидаги Осиё чемпионатида кумуш медалга сазовор бўлган.

Бу боксчи WSB турниридаги иштирокини 2014 йили бошлаган ва уч йиллик танаффусдан сўнг яна мусобақага жалб қилинди. Ҳозиргача бешта жангдан учтасида зафар қучган қозоғистонлик чарм қўлқоп устаси WSB турнири доирасида ўзбекистонлик боксчиларга рўбарў келмаган.

 

 

SPORTS.uz