WSB: “Uzbek Tigers” 3 февраль куни беллашувларга киришади (фото)

Хабарингиз бор, 30 ноябрь куни Швейцариянинг Женева шаҳрида Бутунжаҳон бокс сериясининг (WSB) навбатдаги VII мавсумига қуръа ташлаш маросими бўлиб ўтган эди. Унда VII мавсум регламентига бироз ўзгартириш киритилиб, 12 жамоа 3 географик минтақа (Европа/Африка, Осиё ва Америка) баҳс олиб боради.

• WSB VII мавсум қуръа натижалари

“С” гуруҳидан ўрин олган ўтган мавсум ярим финалчиси “Uzbek Tigers” жамоаси янги мавсумдаги илк учрашувини 3 февраль куни “China Dragons” боксчиларига қарши ўтказади.

Шунингдек, ушбу гуруҳдан Россиянинг “Russian Boxing Team” ва Қозоғистоннинг “Astana Arlans” жамоалари ўрин эгаллашган.

Эслатиб ўтамиз, ўтган мавсумдан ўз иштирокини бошлаган “Uzbek Tigers” жамоаси юртимиз шарафини ҳимоя қилиб, мусобақанинг ярим финалига қадар етиб келган.

Бундан ташқари 4 июнь куни VI мавсум финал баҳсларига Тошкент шаҳри мезбонлик қилган. “Ўзбекистон” спорт мажмуасидаги финал жангларида Кубаннинг “Cuba Domadores” жамоаси Буюк Британиянинг “British Lionhearts” жамоаси боксчиларини 9:1 ҳисобида мағлуб этиб, чемпионликни қўлга киритган эди.

Маълумот учун: WSB бутун дунёда 10 вазн тоифасида энг яхши ҳаваскор боксчилар ўртасида профессионал даражадаги мусобақа ҳисобланади. WSBнинг барча боксчиларида ўз юрти шарафини ҳимоя қилади. Ҳар бир жангда ғолиблар профессионал боксдаги каби учта ҳакам томонидан қўйилган очколар бўйича аниқланади. Шунингдек, бунда нокаут, техник нокаут ёки рад этиш ҳам мумкин.

Ушбу хабардан қисман ёки тўлиқ фойдаланганда SPORTS.uz ахборот порталининг номи аниқ кўрсатилиши ҳамда ҳавола (линк) берилиши шарт!