WSB VII мавсумига старт берилди ёхуд “Cuba Domadores” мусобақани ғалаба билан бошлади

Хабарингиз бор, кеча бутунжаҳон бокс серияси (WSB) VII мавсумига старт берилди. Янги мавсумдан жамоалар уч гуруҳ ва учта минтақага бўлинган ҳолда баҳсларга киришди.

• WSB VII мавсумига қуръа ташланди

Дастлаб Америка минтақасининг “А” гуруҳида жамоалари рингга кўтарилишди. Ўтган мавсум ушбу турнир бош совринини қўлга киритган Кубанинг “Cuba Domadores” жамоаси Венесуэланинг “Venezuela Caciques” жамоасини қабул қилиб, рақибларига ҳеч қандай имконият қолдирмади ва 5:0 ҳисобида зафар қучди.

Гуруҳнинг иккинчи беллашувида Колумбиянинг “Colombia Heroicos” сафарда Аргентинанинг “Argentina Condors” жамоаси билан куч синашиб, 4:1 ҳисобида ғалаба қозонди.

• "Uzbek Tigers" бугун жанг қилади ёхуд "China Dragons" рингга кимларни чиқаради?

Эслатиб ўтамиз, “C” гуруҳида иштирок этаётган “Uzbek Tigers” сафарда Хитойнинг “China Dragons” жамоаси билан куч синашса, гуруҳнинг иккинчи қарама-қаршилигида Россиянинг "Russian Boxing Team" ва Қозоғистоннинг "Astana Arlans Kazakhstan" жамоалари билан рақобатлашади.

Маълумот учун: WSB бутун дунёда 10 вазн тоифасида энг яхши ҳаваскор боксчилар ўртасида профессионал даражадаги мусобақа ҳисобланади. WSBнинг барча боксчиларида ўз юрти шарафини ҳимоя қилади. Ҳар бир жангда ғолиблар профессионал боксдаги каби учта ҳакам томонидан қўйилган очколар бўйича аниқланади. Шунингдек, бунда нокаут, техник нокаут ёки рад этиш ҳам мумкин.