Хабиб Нурмагомедов: Мен Роналдуни калондимоғ одам деб ўйлар эдим, аммо…

Енгил вазн тоифасида UFC чемпиони Хабиб Нурмагомедов “Реал” ҳужумчиси Криштиану Роналду билан танишуви борасида сўзлаб берди.

“Мен у билан ижтимоий тармоқда ёзишдим ва икки кундан сўнг “Реал” мени ўйинга таклиф қилди. Ўйлашимча, бу Роналду туфайли бўлди, аммо буни ўзидан сўраганимда, ушбу ишга алоқаси йўқлигини айтди.

Учрашувдан кейин эса биз ўзаро мулоқот қилдик. Менга унинг қандай қилиб, шунча йиллар давомида топ даражада қолаётгани қизиқ эди. У 2004 йилдан буён жаҳоннинг энг кучли уч футболчисидан бири сифатида эътироф этилиб келинади.

Бизнинг суҳбатимиз қизиқ ўтди. Мен уни бошқача тасаввур этар эдим: калондимоғ, такаббур деб, аммо кўрдимки, Роналду бундай эмас. У оддий, самимий инсон”, – деб айтиб ўтди машҳур жангчи.