”Халл Сити” футболчиси ҳеч қачон янгиланмайдиган рекорд ўрнатди
Англия премьер-лигасида қолиш учун курашаётган “Халл Сити” навбатдаги турда сафарда “Лестер” жамоасига қарши учрашувда 1:3 ҳисобида мағлуб бўлди. Ўйинда мезбонлар дарвозасига ягона тўпни киритган ярим ҳимоячи Сэм Клюкас учун бу ўйин тарихий воқеа бўлди.
Гап шундаки, “Лестер” дарвозасига урилган гол орқали Сэм Клюкас беш йил давомида Англиянинг бешта дивизионида гол урган ягона футболчи сифатида тарихдан жой олди. Мутахассислар бу рекорд умуман янгиланмаслигини таъкидлашмоқда.
2012-2013 йили Конференция мусобақасида “Херефорд” жамоаси таркибида гол урган Клюкас кейинги мавсумни иккинчи лигада “Мэнсфилд”да ўтказди ва рақиблар дарвозасини ишғол қилди.
Бир йилдан сўнг “Честерфилд” сафида биринчи лигада гол урган футболчи янги мавсумни Чемпионшипда иштирок этаётган “Халл Сити” жамоасида ўтказди ва ўз голи билан жамоасининг премьер –лигага чиқишига ҳисса қўшди.
Ниҳоят, АПЛ ўйинларида ҳам гол уришга эришган Сэм Клюкас футбол тарихида янгиланмайдиган рекорд билан жой олди.
Фикрлар