“Халл Сити” швециялик футболчини ўз таркибига қўшиб олди

Англиянинг “Сандерленд” клуби собиқ ярим ҳимоячиси Себастьян Ларссон фаолиятини “Халл Сити”да давом эттирадиган бўлди.

“Йўлбарслар” расмий сайтининг хабар тарқатишича, швециялик футболчи янги жамоасига эркин агент сифатида қўшилган. Шартнома эса бир йилга мўлжаллангани айтилмоқда.

Қайд этиш лозим, 32 ёшли футболчи ўтган мавсумда “Сандерленд” сафида 25 ўйинда майдонга тушиб, 1 гол ва 2 та самарали узатмага муаллифлик қилган.