Хамес Родригес 3 ой даволаниши мумкин

Мадриднинг “Реал” клуби ярим ҳимоячиси Хамес Родригес яқинлашиб келаётган баҳсларда жамоасига ёрдам беролмаслиги мумкин.

Radio Caracolнинг маълум қилишича футболчини яна чап оёқ мушаклари безовта қилмоқда. Айни шу сабаб Хамес кеча машғулотларда иштирок этмаган. Юқоридаги манбаанинг хабарига кўра футболчининг тўлиқ тикланиб кетиши учун 3 ой талаб этилади.

Эслатиб ўтамиз, эртага “қироллик клуби” Испания кубоги чорак финалининг жавоб учрашувида “Сельта”га қарши баҳс олиб боради. Таъкидлаш керакки, Мадридда кечган дастлабки ўйин 1:2 ҳисобида “Сельта”нинг ғалабаси билан якунланган эди.