Харт “Торино”га қайтмайди

29 май, 16:45 187

Харт “Торино”га қайтмайди

Англиянинг “Манчестер Сити” клуби дарвозабони Жо Харт ижара асосида “Торино”да ўйнамоқчи эмас.

“Менга Италия А Сериясида ўтказган мавсумим жуда ёқди. Мен бу ердаги вақтимни жуда яхши ўтказдим. Аммо, бу ерга қайтишни режалаштирмаяпман. Яна бир йил ижарада ўйнаш мени ёшимга тўғри келмайди”, - дейди Англия терма жамоаси дарвозабони ESPN нашрига берган интервьюсида.

Маълумот учун, Харт якунланган мавсум А Сериянинг 36та учрашувида майдонга тушиб, ўз дарвозасидан 62та тўп олиб чиқишга мажбур бўлган. Ўз навбатида “Торино” Хартнинг трансферини “шаҳарликлар”дан сотиб олиш учун иқтисодий имкониятга эга эмас.