Хавьер Маскерано 7 йил деганда “Барселона” учун илк голини урди
Испания чемпионати 34 турида “Барселона” жамоаси ўз майдонида “Осасуна”ни қабул қилиб, 7:1 ҳисобида йирик ғалабага эришди.
Каталонияликлар ҳимоячиси Хавьер Маскерано учрашувнинг 67-дақиқасида пеналтини муваффақиятли амалга ошириб, “Барселона” учун биринчи марта гол урди. Бу тарихий гол бўлди.
Аргентиналик футболчи каталонияликлар сафидаги илк голини уриш учун узоқ вақт кутди. Бунинг учун Маскеранога 7 йил ёки 319 ўйин керак бўлди.
Эслатиб ўтамиз, 32 ёшли футболчи 2010 йили “Ливерпуль” клубида “Барселона” жамоасига ўтганди.
Фикрлар