Хитойликлар "Ювентус” ярим ҳимоячисини ҳам "йўлдан уришди"

Туриннинг "Ювентус" клуби ярим ҳимоячиси Эрнанес фаолиятини кўплаб мухлислар интиқиб кутаётган Хитой Супер лигасида давом эттирадиган бўлди.

Мануэль Пеллегрини қўл остида янги мавсумга тайёргарлик кўраётган "Хэбэй Чайна Форчун" вакилларининг сафи А Сериянинг яна бир футболчиси билан кучайтирилди. 31 ёшли бразилиялик ярим ҳимоячи янги клуби таркибида Италия чемпионати ҳавосидан баҳраманд бўлишга улгурган Жервиньо ҳамда Эсекьель Лавесси билан тўп суради.

А Серия. “Ювентус” сафарда “Кротоне”ни енгди

Расмий маълумотларга кўра, Хитойликлар ушбу футболчини ўз таркибларига қўшиб олиш учун 10 миллион евро сарфлашган. Маълумот ўрнида, Эрнанес Ювентус клубидаги 1.5 йиллик фаолияти давомида 35 маротаба майдонга тушган ва икки голга муаллифлик қилган.