Хожсон хитойликларнинг супер таклифларини рад этиб, "Кристал Пэлас"да ишлашни танлади

Яқиндагина Лондоннинг “Кристал Пэлас” клубини қабул қилиб олган Рой Хожсон АПЛда ишлаш ниятида Хитойнинг икки клубидан бўлган ажойиб таклифларни рад этди.

Mirror нашрининг хабар беришича, Хожсоннинг вакиллари Хитой суперлигасида тўп сурувчи 2та жамоадан супер таклифлар олишган. Хаттоки, жамоаларнинг бири 70 ёшли инглиз мутахассиси учун йилига 9 млн евро маош таклиф қилган. Бироқ, Хожсон ушбу таклифларга рад жавобини берган ва премьер-лигада қолишни афзал билган.

Эслатиб ўтамиз, “Кристал Пэлас”нинг аввалги мураббийи Франк де Бур жамоа АПЛнинг дастлабки 4та турида мағлубиятга учрагани учун истеъфога чиқарилган эди.