Хорватия терма жамоаси бош мураббийи истеъфога чиқарилди

Футбол бўйича Хорватия терма жамоаси бош мураббийи Анте Чачич ўз лавозимини тарк этадиган бўлди.

Гап шундаки, кеча ЖЧ-2018 саралаши доирасида Финляндияга (1:1) қарши баҳсда қайд этилган дуранг натижа Хорватиянинг мундиалга бориш имкониятларини катта сўроқ остида қолдирди. Шу боис мамлакат футбол иттифоқи Чачични истеъфога чиқаришга қарор қилди.

Энди хорватияликлар Украинага қарши ҳал қилувчи “жанг”да бошқа мураббий қўл остида иштирок этишади. Бироқ, ҳозирча ушбу лавозимни қайси мутахассис эгаллаши ҳақида маълумотлар йўқ.