Хосеп Гвардиола: Агуэро “Манчестер Сити” афсонаси!
“Манчестер Сити” устози Хосеп Гвардиола “шаҳарликлар”нинг сўнгги йиллардаги муваффақиятларида ҳужумчи Серхио Агуэронинг ўрни катта эканлигини таъкидлаб ўтди. “Уотфорд”га (6:0) қарши кечган баҳсда аргентиналик футболчи хет-трик қайд этиб, манкунианликлар сафидаги голлари сонини 175 тага етказиб олди. Бу борадаги клуб рекорди Эрик Брукка тегишли. Унинг ҳисобида 177 гол мавжуд.
– Умид қиламанки, Серхио тез орада клуб рекордини янгилайди ва катта байрам ташкил қилади. Агуэро – клуб тарихи афсонаси ва унинг бир қисми. Унниг урган голлари бунга далолат қилади, – дея испаниялик мутахассиснинг сўзларини келтиради BBS Sport нашри.
Брук “Манчестер Сити” шарафини 1928-1940 йилларда ҳимоя қилган. У 494 ўйинда 177 гол урган бўлса, Агуэро “шаҳарликлар” сафида 259 ўйин ўтказган.
Фикрлар