Хушхабар! Виталий Денисов машғулотларга қайтди

Москванинг “Локомотив” жамоаси бош мураббийи Юрий Сёмин ҳамюртимиз Виталий Денисов умумий гуруҳ машғулотларига  киришганини айтиб ўтди.

“Барча кейинги ўйинга тайёргарлик кўрмоқда. Виталий Денисов ҳам умумий гуруҳ машғулотларида иштирок этмоқда. Бироқ у тайёргарлик даражасини ошириши лозим. У кейинги ўйинимизда иштирок этмайди.

Ведран Чорлука эса индивидуал тарзда машғулот олиб бормоқда”, – деб айтиб ўтди “темирйўлчилар” устози.

Маълумот учун, Денисов ўтган мавсум жароҳат олган эди ва июн ойи сўнггида операция қилинган эди.