Яна рақобат: Месси даромад бобида Роналдуни ортда қолдирди

“Барселона” етакчиси Лионель Месси ва “Ювентус” ҳужумчиси Криштиану Роналду Forbes талқини бўйича дунёдаги энг сердаромад таниқли инсонлар рўйхатининг ўнлигига кирди.

Аргентиналик футболчи 8, португалиялик юлдуз эса 10-ўриндан жой олди. Маълум бўлишича, Месси “Барселона” билан имзоланган янги шартномага кўра бонуслар билан бирга йилига 80 миллион евро ишлайди.

Роналдунинг “Ювентус”даги йиллик маоши 30 миллион еврони ташкил қилади. Бундан ташқари, Криштиану Nike билан имзоланган умрбод келишувга кўра 1 миллиард долларга эга бўлади.

Қуйида дунёдаги энг сердаромад таниқли инсонлар ТОП-10 билан танишинг:

1. Флойд Мейвезер (боксчи)
2. Жорж Клуни (актёр)
3. Кайли Женнер (модель)
4. Жуди Шейндлин (адвокат, телебошловчи)
5. Дуэйн Жонсон (актёр)
6. U2 (мусиқа, рок-гуруҳ)
7. Coldplay (мусиқий гуруҳ)
8. Лионель Месси (футболчи)
9. Эд Ширан (хонанда)
10. Криштиану Роналду (футболчи)