Янги шартномага кўра Рамос "Реал"дан қанча маош олади?

Мадриднинг “Реал” клуби сардори Серхио Рамос “қироллик клуби” раҳбарияти билан шартномани узайтириш борасида келишувга эришди. Айтиш лозимки, бундан аввалроқ томонлар ҳамкорликни 2021 йилга қадар давом эттиришлари ҳақида хабар берилган эди.

Sport.es нашрининг маълум қилишича янги келишувга биноан 31 ёшли испаниялик футболчининг маоши йилига 12 миллион еврони ташкил этади. Берилган маълумотларга қараганда томонлар аллақачон хужжат имзоланадиган санани ҳам келишиб олишган.

Эътиборлиси, Рамос ушбу шартномани 2022 йилгача узайтиришни истамоқда.