Яқин 48 соат ичида "Вест Хэм" Билични истеъфога чиқариши мумкин

Лондоннинг “Вест Хэм” клуби раҳбарияти кетма-кет омадсизликлардан сўнг жамоа бош мураббийи Славен Билични истеъфога чиқармоқчи. The Telegraph нашрининг хабар беришича ушбу ҳолат яқин 48 соат ичида содир бўлиши мумкин.

Берилган маълумотларга кўра 49 ёшли хорватиялик мутахассиснинг ўрнини ўтган мавсум “Сандерленд”ни Чемпионшипга “кузатиб” қўйган Дэвид Мойес эгаллайди. Унга кўра “Вест Хэм” 54 ёшли шотландиялик мураббий билан мавсум якунига қадар шартнома имзолайди.

Эслатиб ўтамиз, лондонликлар айни дамда АПЛнинг ўтган 11 тур натижаларига кўра 9 очко билан 18-ўринда боришмоқда.