“Йокогама” клуби аъзоси жаҳоннинг энг кекса футболчига айланди

Япониянинг иккинчи лигаси аъзоси “Йокогама” клуби ҳужумчиси Кадзуеси Миура сэр Стэнли Мэттьюз рекордини янгилади, дея хабар беради ФИФА расмий сайти. Бунга футболчининг 50 ёшу 7 кунга тўлганда майдонга тушганлиги сабаб бўлган.

Бу футболчи илк марта катта футболда 1986 йили “Сантос” таркибида пайдо бўлган. Шундан сўнг Бразилия ва Япониянинг бир қатор жамоалари шарафини ҳимоя қилди. Шунингдек, Италиянинг “Женоа”, Хорватиянинг “Кроация” ва Австралиянинг “Сидней” жамоаларида ҳам тўп сурган.

Миура “Йокогама” сафига 2005 йили келиб қўшилган. 1992-1996 йилларда Япония терма жамоаси билан Осиё кубогида зафар қучган. Жорий йил бошида у “Йокогама” билан амалдаги шартномани узайрирган эди.