Ёш футболчи жаҳоннинг энг зўр ўйинчиси Роналдуга ақл ўргатди

 
 
Хитой миллионерлари Европада порлаётган футболчиларни ўз Супер лигасига жалб қилиш учун ҳеч қандай маблағни аямасликларини намойиш қилишмоқда. Европанинг машҳур футболчилари кетма-кет Хитойдан таклиф олмоқда. "Реал" етакчиси ва жаҳоннинг энг яхши футболчиси Криштиану Роналду ҳам бундан мустасно эмас.
 
Хитой клублари яқинда Роналдуга йилига 100 миллион евро маош ваъда қилиб, Чин юртига кўчиб келишни таклиф қилди. Бунга "Бавария"нинг ёш футболчиси Жошуа Киммих ўз муносабатини билдириб, Криштиану Роналдуни пул учун ўйнамасликка чақирди.
 
- Менимча Роналду бунча пулни сарфлаб улгурмайди, - деди Жошуа Киммих. - Бунча пулни оқлаш учун Криштиану яна нималар қилиши керак? Футболчи учун биринчи ўринда моддий манфаатдорлик эмас, спорт тамойиллари туриши керак.
 
 
21 ёшли ярим ҳимоячи Жошуа Киммих "Бавария" таркибида 13 та учрашув ўтказиб, тўртта гол урди.
 
SPORTS.uz

Фикрлар

Фикр қолдириш учун авторизациядан ўтинг!