Ёш каратэчилар мусобақаси якунланди

Пойтахтимизнинг Учтепа туманидаги 1 Болалар ва ўсмирлар спорт мактабида карате бўйича болалар ўртасида мусобақа ўтказилди.

Навқирон авлод ўртасида каратэни янада оммалаштириш ва бу орқали ёш истеъдодларни саралаш мақсадида ташкил этилган мусобақада Довудхон Насимов, Абдулазиз Йўлдошев, Артур Шермамадов, Далер Мухторов, Аҳрор Бадалов ўғил болалар ўртасида биринчи ўринни эгаллади. Мусобақада қизлардан Алиша Хусанбоева, Милена Гилманова олтин медальга сазовор бўлди.

– Ҳозирги кунда мактабимизда карате секциясида юзга яқин ўғил-қиз қатнашмоқда. Ҳар бир гуруҳда ҳафтасига уч маротаба бир ярим соатдан машғулот ўтказилади. Каратенинг WКF йўналиши Олимпия ўйинлари дастуридан жой олганидан буён мазкур спорт тури билан шуғулланувчилар сони ортиб бормоқда, – дейди мактаб директори Дилшод Маҳмудов.

Sports.uz

Фикрлар

Фикр қолдириш учун авторизациядан ўтинг!