Юпп Хайнкес: Биз "Реал"га очиқдан-очиқ иккита голни совға қилдик

Мюнхеннинг “Бавария” клуби устози Юпп Хайнкес кеча ЕЧЛ ярим финал дастлабки ўйинида “Реал”га (1:2) қарши бўлиб ўтган мағлубиятдан сўнг ўз фикрларини билдириб ўтди.

“Биз “Реал”га очиқдан-очиқ иккита голни совға қилдик, ўзимиз яратган вазиятларни эса голга айлантира олмадик.

Нима етишмади? Биз гол ура олмадик. Роббен ва Боатенг каби футболчиларни сафдан чиқишини бизга қимматга тушди. Шундан сўнг тайм охирларида аҳмоқона гол ўтказиб юбордик. Аслида бугунги голларнинг иккаласини ҳам ўзимиз рақибга совға қилдик. Ачинарлиси, биз жуда кўп вазиятлар яратдик, бироқ уларнинг ҳеч бирини голга айлантира олмадик.

Биз таслим бўлмадик. Олдинда яна 90 дақиқа бор”, - дейди тажрибали мутаҳассис.