“Ювентус” Дибаланинг трансфери борасида “МЮ”нинг бир нечта таклифини рад этгани маълум бўлди

Англиянинг “Манчестер Юнайтед” клуби “Ювентус” форварди Пауло Дибалани сотиб олишга жиддий бел боғлаган. Бу ҳақда Calciomercato нашри хабар тарқатмоқда.

Юқоридаги манбаада ёзилишича “қизил иблислар” аргентиналик футболчининг трансфери борасида туринликларга бир неча бор расмий таклиф билан чиқишган. Аммо, якунда рад жавобини олишган.

Таъкидлаш керакки, 23 ёшли футболчининг хизматларига “МЮ”дан ташқари “Реал” ва “Барселона” ҳам жиддий қизиқиш билдирмоқда. Ўз навбатида Дибала “Ювентус”дан кетмоқчи эмас ва айни дамда у туринликлар билан келишувни узайтириш борасида музокаралар олиб бормоқда.