"Ювентус" Кьеллини ва Сандро билан келишувларни узайтирмоқчи

“Ювентус” клуби жамоа етакчилари Алекс Сандро ва Жоржо Кьеллинига янги шартнома таклиф қилмоқчи, дея хабар беради Corriere dello Sport нашри.

26 ёшли Алекс Сандронинг “Ювентус” билан келишуви 2020 йил ёзига қадар мўлжалланган, аммо клуб раҳбарияти бразилиялик футболчи билан шартномани 2021/22 мавсум охирига қадар узайтирмоқчи ва бундан ташқари унинг маошини ҳам кўпайтиришни режалаштирган.

Кьеллинининг шартномаси эса келаси ёзда якунига етади. 33 ёшли футболчи уни 2020 йилгача узайтириб, фаолиятини Туринда тугатади.

Жоржо Кьеллини “Ювентус” сафида 2005 йил июлидан бери тўп сурса, Алекс Сандро 2015 йил августда жамоа таркибига келиб қўшилган.