"Ювентус" "Монако"дан Фабиньони сотиб олмоқчи

“Монако” клуби ярим ҳимоячиси Фабиньога Туриннинг “Ювентус” клуби жиддий қизиқиш билдира бошлади.

Айтиш лозимки, “кекса синьора” 23 ёшли бразилиялик футболчини ўтган ёзги трансферлар давридаёқ ўз сафига қўшиб олишга ҳаракат қилган эди. Энди туринликлар ушбу вазифани мавсум сўнггида уддалашга яна бир бор уриниб кўришмоқчи. Бироқ, “Монако”нинг футболчига қўйган баланд нархи (60-65 млн евро) ушбу трансферни яна амалга ошмай қолишига сабаб бўлиши мумкин.

Эслатиб ўтамиз, Фабиньога “Ювентус”дан ташқари шунингдек “Атлетико” ҳамда “Манчестер Юнайтед” клублари ҳам жиддий қизиқиш билдиришмоқда.