“Ювентус” пул сарфламасдан “Лацио” футболчисини олмоқчи

“Лацио” клуби ҳимоячиси Стефан де Врей ўз фаолиятини Италиянинг бошқа бир клубида давом эттириши мумкин.

Sky Sports Italia нашрининг хабар беришича, 25 ёшли футболчига “Ювентус” қизиқиш билдирган. Голландиялик ҳимоячининг  римликлар билан тузган шартномаси келаси йили ёзда якунига етади.

“Кекса синьора" эса бу футболчини эркин агентга айлангандан сўнг таркибга қўшиб олишни режалаштирмоқда. Аммо “Лацио” раҳбарияти Стефан де Врейни ўзида олиб қолиш учун 2023 йилгача мўлжалланган шартнома таклиф қилмоқчи.