"Ювентус" ва "Севилья" жамоаларининг собиқ аъзоси бутсиларини михга илди

Туриннинг “Ювентус” ҳамда Испаниянинг “Севилья” клубларидаги фаолияти билан танилган футболчи Энцо Мареска футболчилик фаолиятини якунлади. Бу ҳақда Football Espana нашри хабар тарқатмоқда.

Таъкидлаш керакки, 37 ёшли футболчи мавсумни Италия В Серияси вакили бўлган “Верона” сафида бошлаган эди. Бироқ, Энцо чемпионат якунланишини ҳам кутмай, фаолиятини тугатишга қарор қилди.

Маълумот учун, Мареска “Ювентус” таркибида 2002 йилда Италия чемпионлигини, кейинроқ эса “Севилья” сафида икки бор УЕФА кубогини қўлга киритган. Бундан ташқари, Испания кубоги ва суперкубоги ҳамда УЕФА суперкубогини ғолиби бўлган.

Фикрлар

Фикр қолдириш учун авторизациядан ўтинг!