"Ювентус" ёзда Моратани ортга қайтармоқчи

Туриннинг “Ювентус” клуби ёзги трансферлар даврида “Челси”да тўп сураётган собиқ ҳужумчиси Альваро Моратани ортга қайтаришга уриниб кўрмоқчи.

Football Italia нашри тарқатган хабарга кўра Антонио Конте жорий мавсум якунлангач “аристократлар” бошқарувини тарк этади ва шундан сўнг катта эҳтимол билан Мората ҳам жамоадан кетиши кутилмоқда.

Айтиш лозимки, туринликлар 25 ёшли испаниялик форвард учун “Челси”дагидек кўп маош тўламаслиги мумкин. Айни дамда Мората “аристократлар” сафида йилига 8 млн евро маош олмоқда. “Ювентус” сафидаги энг кўп маош олувчи футболчи Гонсало Игуаиннинг йиллик маоши эса 7,5 млн еврони ташкил этади.

Маълумот учун, Мората 2014-2016 йилларда “Ювентус” сафида тўп сурган.

Фикрлар

Фикр қолдириш учун авторизациядан ўтинг!