"Ювентус"нинг АҚШ турнесига кимлар борди, кимлар бормади?

Туриннинг “Ювентус” клуби Халқаро чемпионлар кубоги тижорий турнирида иштирок этиш учун АҚШга йўл олди.

Ушбу сафарга ЖЧ-2018да иштирок этган Криштиану Роналду, Пауло Дибала, Гонсало Игуаин, Хуан Куадрадо, Родриго Бентанкур, Дуглас Коста, Марио Манджукич, Марко Пьяца ва Блез Матиюди каби футболчилар боришмади.

Жамоа бош мураббийи Массимилиано Аллегри ўзи билан бирга Океан ортига қуйидаги футболчиларни олиб кетди: Шесны, Де Шильо, Кьеллини, Бенатия, Пьянич, Хедира, Маркизио, Сандро, Кальдара, Барцальи, Перин, Канселу, Пинсольо, Джан, Ругани, Бетуатто, Дел Фаверо, Бернардески, Фернандес, Мачек, Кастанос, Клеменца, Перейра, Бельтрам, Фавилли, Ди Пардо ва Фажиоли.

Маълумот учун, "Ювентус" АҚШ турнеси доирасида дастлаб "Бавария" (26 июль), сўнгра эса "Бенфика" (28 июль) ҳамда "Реал"га (4 август) қарши тўп суради.