Завиша Милосавлевич Фарғонада бўлди

Аввал хабар берганимиздек 18 декабрь куни болалар футболи бўйича сербиялик мутахассис Завиша Милосавлевич юртимизга ташриф буюрган эди.

Шу кунларда сербиялик мутахассис келажакда ўзи фаолият олиб бориши мумкин бўлган Фарғона водийсида болалар футболи учун яратилган шарт-шароитлар билан яқиндан танишиб, болалар футболи бўйича иш олиб бораётган мураббийларга ўз дастурини тақдим этмоқда.

ЎФФ расмий сайтининг хабар беришича бугун Завиша Милосавлевич Фарғонага ташриф буюрди. 56 ёшли мутахассис Фарғона вилоят футбол федерацияси вице-президенти Ҳаким Файзиев билан "Истиқлол" стадионида бўлди. Сўнгра у "Нефтчи" қошидаги болалар футбол мактабига бориб, ушбу мактабда футбол сир-асрорларини ўрганаётган болалар билан мулоқотда бўлди.

Куннинг иккинчи ярмида Завиша Милосавлевич Қўқон шаҳри томон йўл олди. Тажрибали мутахассис у ерда ҳам болалар футболи бўйича иш олиб бораётган мутахассислар билан учрашишни ва у ердаги шароитлар билан танишишни режалаштирган.