Зидан "Реал" билан шартномасини узайтиради
Мадриднинг "Реал" клуби бош мураббийи Зинедин Зидан яқин вақтлар ичида жамоа билан шартномасини узайтиради. 45 ёшли мутахассиснинг амалдаги шартномаси эса ушбу мавсум сўнггида якунига етади.
"Нима бўлганда ҳам, янги шартнома масаласи хал этиб бўлинган. Бу ҳеч нарсани англатмайди. Мен бугунги кун билан яшайман ва эртага нима бўлишини билмайман", - деб айтиб ўтди франциялик мутахассис.
Зидан ўтган йилнинг январ ойида жамоа бошқарувига келган эди. Унинг қўл остида жамоа Ла Лига, Испания Суперкубоги, ЕЧЛ(2 марта), УEФА Суперкубоги ва клублар ўртасидаги ЖЧда ғолиб чиқди.
Фикрлар