Зидан “Реал”даги ротациядан воз кечмайди

“Реал Мадрид” жамоаси бош мураббийи Зинедин Зидан доим қўллаб келадиган ротациядан воз кечмаслигини айтди. Гарчи мадридликлар сўнгги ўйинда “Леванте” билан дуранг (1:1) ўйнаган бўлса ҳам бу франциялик мутахассиснинг фикрини ўзгартирмади.

“Жамоа билан ишлаш тамойилларини ўзгартирмайман. Битта омадсиз ўйин деб ақлдан озиш керак эмас. Хотиржамликни сақлаб, ишлашда давом этиш лозим. Мен ўз услубларим муваффақиятига ишонаман ва шу йўсинда ишлайман”, – деди франциялик мутахассис.

Маълумот учун, “Реал” Испания чемпионати 3-туридан кейин 5 очко билан турнир жадвалининг 7-поғонасида бормоқда.