Алдервейрельд яна Голландия чемпионатига қайтиши мумкин

“Тоттенхэм” ҳимоячиси Тоби Алдервейрельд фаолиятини Голландия чемпионатида давом эттириши мумкин. Бу ҳақда De Telegraaf нашри хабар тарқатмоқда.

Юқоридаги манбага кўра, 31 ёшли бельгиялик футболчининг хизматларига ПСВ жиддий қизиқиш билдирмоқда. Эйндховен клуби уни жорий қишки трансферлар давридаёқ сотиб олмоқчи.

Айтиш лозимки, Алдервейрельд учун Эредивизия бегона эмас. У 2004-2013 йилларда “Аякс” шарафини ҳимоя қилган. Тоби жорий мавсум “Тоттенхэм” сафида АПЛда 11 та ўйинда майдонга тушди ва 1 та гол уришга эришди.