Ана холос: Бензема ё Роналду, ёки Неймар билан бирга ўйнайди

Карим Бенземанинг фаолиятида ўзгариш бўлиши кутилмоқда. Франциялик юлдуз “Ал-Иттиҳод”ни тарк этадиган бўляпти.

Клуб раҳбарияти уни Европага қўйиб юбормайдиган бўлди. Саудия Арабистони профессионал лигаси раҳбарияти Карим Бенземанинг кетиши мамлакат имижига салбий таъсир қилишини таъкидлаб, ҳужумчини ортга қайтишига йўл қўймади.

L'Equipe нашрининг ёзишича, “Ал-Иттиҳод” 36 ёшли тўпурарни “Ал-Ҳилол” ёки “Ан-Наср”га ижарага берадиган бўляпти. Аввалроқ, Бензема клуб мутасаддиларидан “Ал-Ҳилол” каби жамоа таркибини ўзининг даражасидаги юлдузлар билан кучайтиришни талаб қилган эди.

Энди Карим Бензема бошқа жамоага ўтадиган бўлса, Неймар ёки Криштиану Роналду билан бирга тўп тепиши мумкин. Франциялик ҳужумчи Испаниядаги фаолияти давомида Роналду билан ёнама-ён ва “Барселона”даги  Неймарга қарши ўйнаган.